FELGEN ORKESTER

Felgen Orkester lea Kárášjoga joavku mii álggahuvvui 2011:s. Guhtta vilbeleža ja sin skibir čuojahit Felgenis.

Felgen čuojaha folk-pop-rock-musihka, ja buot lávlagat leat davvisámegillii. Joavkku miellahtut leat buohkat hárjánan meahccái, ja luonddus vižžetge inspirašuvnna musihkkii. Muhtun lávlagiid sisdoallu lea hui abstrákta, ja soaitá luonddu bokte daid sáhttit čilget.

Joavkku ulbmilin lea álohii leamašan ráhkadit hui ealas ja movttegis musihka. Earet eará atnet čuojanasaid dego mandoliidna ja geasanasa vai musihkka šattašii geahpasin ja lahka álbmoga.

Sin dovdoseamos bihtát leat Beaivelottážat, Ferrari vuoján, Buolli dolla ja Jovnna.
Felgen Orkester almmustahtii vuosttás skearros, Skealbma mojit, 2015:s ja nubbi, Duhát jagi geahčen, jagis 2017.

Felgen Orkester neahtas:
Facebook
YouTube
Instagram
Spotify

A TRIBE CALLED RED
 

Kanadalaš DJ-kollektiiva A Tribe Called Red lea Ijahis idja 2018 -festivála váldonásti. Joavku boahtá geassit vuosttáš háve Supmii ja Ijahis idjii.
 

A Tribe Called Red -joavkku musihkas ovttastuvvet modeardna hip hop, árbevirolaš pow wow -trumbbut ja lávlun sihke elektrovnnalaš musihkkastiillat. Sii leat ođđa sohkabuolvva artisttat, geat figget váikkuhit kultuvrralaččat ja sosiálalaččat Kanadas ovttas Idle No More –álgoálbmotlihkadusain.
ATCR čoahkkanii vuosttáš háve jagis 2008. Dálá hámis jovkui gullaba Bear Witness ja 2oolman.

 

A Tribe Called Red lea johtán birra máilmmi čuojaheamen ja ožžon sala dievva bálkkašumiid. Jagis 2014 joavkkus bođii vuosttaš álgoálbmotmusihkkajoavku, mii leat vuoitán Breakthrough Group of the Year bálkkášumi Juno Awards -bálkkašandilálašvuođas (Kanada Grammyt).

A Tribe Called Red ovddida oasálašvuođa, empatiija ja dohkkeheami buot olmmošjoavkkuid ja sohkabeliid gaskkas sosiála vuoiggalašvuođa dihtii. Sii jáhkket, ahte álgoálbmogat galget ieža meroštallat iežaset identitehtaid sin iežaset eavttuiguin. Juos donge juogat dán geahččanguovllu, de leat jo oassi Halluci Nationis.

 

A Tribe Called Red neahtas:
Ruoktosiidu
Facebook
YouTube
Instagram
Twitter
Spotify


 

TUNDRA ELECTRO

Juoigi Gáijjot Piera Ándde-Ovlla Ingá-Máret, Ingá-Máret Gaup-Juuso ja musihkkár Patrick Shaw Iversen álggaheigga ovttasbarggu jo jagis 2007 prošeavttain, mat dolvo sudno Indiai, Nepalii ja Bangladeshii.  2016 soai vuođđudeigga Tundra Electro -joavkku, mii ovttasta árbevirolaš lávlunvuogi elektronihkalaš musihkkii, improvisašuvdnii ja klassihkalaš indialaš musihka elemeanttaide.

Patrick Shaw Iversen lea dahkan šuoŋaid ja Ingá-Máret Gaup-Juuso lávlun fas ovttasta badjel 100 jagi boares luđiid sihke su ođđa luđiid ja teavsttaid.

Sudno lassin joavkkus čuojaheaba Harpreet Bansal (fidjol) ja Kenneth Ekornes (rumbbut).
Ijahis ijas 2018 joavku čuojaha vuosttas háve stuorra Sámi festivála lávddis.

 

Tundra Electro neahtas:
Facebook
YouTube

KEVIN BOINE

 

Badjel 24 miljovnna striimengearddi Spotify-musihkkabálvalusas ja lávlla mii lea platina-single veardde Norggas. Don leat sihkkarit gullan Kevin Boine birra! Viimmat son boahtá maiddái Ijahis idja-festiválii čuojahit hit-bihtáid dego Kom til Finnmark ja Drømmeland.

 

Su karrieara vulggii rakeahta láhkái johtui go son oassálasttii ”Norwegians got talent” -tv-gilvui. Ijahis ijas Kevin Boine lohpida albma show mas gullat sihke ođđa ja boares hittaid!

 

Kevin Boine neahtas:
Facebook
YouTube
Instagram
Spotify

 

 

SOLJU

 

Ođđa musihka gilvvus (UMK) jagis 2015 dovddusin šaddan Solju-joavku boahtá Ijahis idjii. Joavku almmustahttá debyhtaalbuma odne 25.4.2018. Solju lea joavku, mas eadni Ulla Pirttijärvi ja su nieida Hildá Länsman sihke hábmejit dialoga árbevirolaš ja modearna sápmelaš kultuvrra gaskii ja huksejit oktavuođa eurohpalaš iskkadeaddji pop-musihkkii.

 

Solju musihkas ovttastuvvet sámegiella ja luohti ođđa ja innovatiivalaš jietnaduovdagiidda. Solju buktá čeavlatvuođain ovdan sápmelaš ruohttasiiddis, davvi kultuvrra ja luohtemusihka rikkes iešvuođaid ja máilmmiid. Ealli, eatnama lagaš,ivdnái, originála, muhto nuppe dáfus eteralaš ja málejeaddji leat sánit, maiguin dahkkit ieš govvidit musihka.

 

Lávlagat speadjalastet skájaid davviguovllu árbevirolaš eallinvuogis ja mytologiijas, man gasku lea sápmelaš identitehta. Solju musihka hábme govaid sihke viiddes ravddahis rájáhisvuođas meahcceguovlluin ja intiimavuođas lávuid dollasajiid fáŋgejeaddji bires. Lávddi ala Ullain ja Hildáin gorgŋejit máŋgačuojanasdáiddár, perkussionista Teho Majamäki ja HIM-joavkkus oahpes keyboard-čuojaheaddji Janne Burton Puurtinen.

 

Solju neahtas:

Ruoktosiidu
Facebook
YouTube
Instagram
Twitter
Spotify

AMOC, AILU VALLE & TRIO BOOGIEMEN

Anárlaš Amoc ja gámasmohkelaš Ailu Valle leaba sámegielat rap pioneerat, ofelaččat ja jiehtanasat. Guktot leaba álgán ráppet sámegillii jo 2000-logu álggus ja sudno sáhtáge gohččot Sámi ráp ristáhččiin.
Amoc debyhta skearru, Amok-kaččâm, almmustuvai 2007 ja lea máilmmi vuosttas sámegielat ráp-skearru.
Ailu Valles lea almmustuvvan guokte skearru, Dušši dušše duššat (2012) ja 7 (2015). Amoc lea leamašan guossin Ailu skearuin ja Ailu fas Amoc Kiälláseh-bihtás 2016.
Ijahis ijas sudno bihttáide rock-ritmmaid adda Trio Boogiemen, nappo beassatge gullat Sámi Anthrax & Public Enemy.

Amoc neahtas:
Facebook
YouTube
Instagram
Spotify

Ailu Valle neahtas:
Facebook
YouTube
Instagram
Spotify

SUÕMMKAR

Suõmmkar lea ođđa Sámi musihkkajoavku, masa gullaba nuorra nuortalaš leu’dd-čeahpit Anna Lumikivi ja Hanna-Maaria Kiprianoff Anáris,  sihke suopmelaš musihkkárat Marko Jouste (dávgečuojanasat), Ari Isotalo (rumbbut) ja Pessi Jouste (fidjol).
Joavkku musihkka ovttasta nuortalaš árbevieruid ja etnomusihka.
Ijahis idja auditoriakonsearta lea vuosttas geardi go Suõmmkar čuojaha Sámemusihkkafestiválas.

 

Suõmmkar neahtas:
Facebook
YouTube
VILDÁ

Go Hildá Länsman ja Viivi Saarenkylä gulaiga vuosttas háve nuppiideaskka musihka, šattai sudnuide dalán jurdda ovttastit luođi geasanasain. Leabago son luohti ja geasanas nie earalágan máilmmiin eret, ahte oktage ii leat ovddal fuomášan dieid ovttastit?
Vildá-duo ovttasta luđiid bivššas ritmain ja improvisašuvnnain. Maiddai dála áiggi pop-musihkka ja suopmelaš álbmotmusihkka leaba váikkuhan sudno musihkii. Ná šadda earenoamáš jietnamáilbmi, mii doalvu guldaleaddji mátkái davveguovlu duottariidda.

Vildá neahtas:
Facebook
YouTube
INDIGENOUS BASTARDS

Indigenous Bastards lea ođđa Sámi musihkkajoavku, mii ovttasta arktalaš, šattoheapme duottariid bieggaid, sámi eksotihká ja mystihka sihke oarjemáilmmi pop-musihka varaseamos treanddaid.
Dahje dasto ii.
Albmalahkai Bastards ovttasta elektrovnnalaš dánsunmusihka ja golmmasámegielat ráp.
Jovkui gullet lahtut, muhto sii eai iešge dieđe, gallis. Joavku lea anonyma ja danin ii oktage dieđe, geat jovkui gullet. Leatgo don Indigenous Bastard?
Go Indigenous Bastards almmustahttii sin vuosttas bihtá, Dánsun ǥu läddilâš, máilbmi bisánii ja buohkat álge dánsut.
Ijahis idja 2018 lea aidna geardi dán jagi, go sáhttát oaidnit dán joavkku lávddis.