festiválainfo

DORVVOLAŠVUOHTA

Festivála uvssas dahkkojuvvo buohkaide dorvvolašvuođadárkkistus, mainna háliidit sihkkarastit festiválagussiid dorvvolašvuođa ja loaktima stuorra álbmotdáhpáhusas. Go guođat gildojuvvon diŋggaid ruoktot dahje bivttasheŋgentealtái, jođálmahtát mealgat dorvvolašvuođadárkkisteami. 

Fávttain lea vuoigatvuohta eastit dakkár olbmo sisabeassama, guhte ii mieđa dorvvolašvuođadárkkisteapmái.

 

Gildojuvvon diŋggat:

 

-Alkohola

-Vearjjut, niibbit ja máŋggadoaimmatbargoneavvut

-Narkotihkat

-Videokámerat ja báddenrusttegat

-máhccunstuolut

-Láserpeannat, čuovgasákkit, spáidarat ja eará sullasaš diŋggat

-Lássaboahtalat ja -burkket

 

Lobálaš diŋggat:

 

-Rehpot ja lávkkat

-Luđenkábelat ja várrerávnnjit (powerbank)

-Kámerat

-Smávva niesttit

-Rabakeahtes čađačuovgi čáhceboahtalat

 

BIVTTAS- JA LÁVKATEALTÁ

Festivála uvssas gávdno bivttasheŋgentealtá, gosa sáhtát guođđit omd. lávkkaid dahje gildojuvvon diŋggaid. Heŋgenmáksu 3 € máksojuvvo bileahtavuovdimii. 

 

IDJADANBÁLVALUSAT

Ijahis idja - eamiálbmogiid musihkkadáhpáhus ordnejuvvo guovdu Anára girkosiidda. Anáris, Avvilis (Anáris 40 kilomehtera máttás) ja Gápmasis (Anáris 33 km davás) leat máŋggat idjadanvejolašvuođat.
Liŋkkat idjadanbálvalusaide:

 

Anáris:

Hotelli Kultahovi
Hotelli Inari
Wilderness Hotel Inari

Hotelli Korpikartano
Nuorisokeskus Vasatokka
Villa Lanca
Toivasen lomamökit
Uruniemi camping
Inarin lomakylä
Lomakylä Lapponia
Inarin poropirtit

 

Gápmasis:

Kaamasen Kievari
Lomakylä Jokitörmä
Neljän Tuulen Tupa

 

Avvilis:

Hotelli Kultahippu
Guesthouse Husky
Kamisak Bed & Breakfast
Hotelli Ivalo
Ivalo River Camping

 

 


 

 

 

 

KAFEA JA BÁRA IJAHIS IJAS

Ijahis ijas lea kafea, mii lea ráddjejuvvon sierra báraguovllus. Kafeas sáhttá oastit borramuša ja juhkamušaid. Festiválaguovllus lea maiddái báraguovlu gos lea vejolaš oastit alkohola juhkamušaid. Bára lea sierra ráddjejuvvon guovllus, gosa ferte leat unnimusat 18 jagi vai beassá sisa. Identitehtaduođastuš gáibiduvvo. Bára lea rabas 01.30 radjái goappáge eahkeda. 


AUDITORIIJA DÁHPÁHUSAT
 

Sajosa auditoriijas leat dáhpáhusa áigge sullii 250 čohkkánsaji. Juos leat boahtimen auditoriija konsearttaide, de fertet boahtit áiggil juos áiggut oažžut čohkkánsaji. Mii ávžžuhit boahtit maŋimušta 20 minuhta ovdal álgináiggi vai prográmma bissu áigetávvalis.

 

 

VALÁŠTALLANGILVVUT

Valáštallangilvvuid šládja lea  njoarosteapmi.
Gilvui sáhttá almmuhit ovddalgihtii dahje báikki alde.
Lassedieđut ja almmuheamit: Aslak Paltto, This e-mail address is being protected from spambots. You need JavaScript enabled to view it. , + 358 40 562 0354

Oassálastinmáksu 10 €.



 

NJOAROSTEAPMI (lávvordat 17.8.)

 

Gilvvus geavahuvvo ordnejeaddji suohpan.

 

Njuolggadusat:

Nissonat: njoarostanmátki 8m

Dievddut: njoarostanmátki 9m

 

6-8 njoarosteaddji njoarostit oktanaga rieggás, mas guovdu rieggá lea stoalpu. Dat gii vuosttamužžan darvveha stoalppu, fitne čuoggá.

  1. njoarosteapmi. Juohke njoarosteaddjis lea suohpan válahagas iežes njoarostanbáikkis. Gulaheaddji mearkkás álggahuvvo gilvu ja vuosttaš gii fáhte stoalppu, oažžu čuoggá.
  2. njoarosteapmi. Gilvaleaddjit leat gárvvisin, suohpana oažžu njulget ja suohpan gárvvisin gieđain. Gulaheaddji mearkkás álggahuvvo gilvu ja vuosttaš gii fáhte stoalppu, oažžu čuoggá.

Son guhte oažžu vuosttamužžan golbma čuoggá, beassá viidásit viddásit. Finálii besset 6 buoremusa. Finálas vuoitá 4 čuoggáin. Oassálastiid meari mielde leat semifinálat ja finála dahje rátkkimis njuolgga finálii.
 

Dievddut   ruhtavuoitut, 3 buoremussii
Nissonat    ruhtavuoitut, 3 buoremussii