Ailu Valle

Konsert
Livestream
La 15.08 tme 20:15

Ailu Valle lii 35-ihásâš ráp-artist, kote láávdást tavesämikielân, suomâkielân já eŋgâlâskielân. Valle stiijlâst ovtâstuveh uáivil almotteijee saahâ, teknisâšvuotâ já tobdoh. Valle lii meddâl kukken tavveen, muáddilov ulmuu uccâ puásuisiijdâst Kaamâsmohheest, Ucjuv kieldâst. Valle peerustškuođij ráp-muusikist pajetääsist, ko ložžâ puuvsah já rápmeerhah levânii meid tavas já suulân ive 2006 sun ráppááškuođij eŋgâlâskielân já suomâkielân.

Sämikielâ kavnui luándulávt, ko jieijâs perspektiv aalgij asâttuđ já ráp-muusikist kavnui jieijâs uáli protestin viestârenâmij kulttuur luándu tuššâdeijee vuáhán. Toos lasseen tavesämikielâ lii Vallen vááimu já tobdoi tulkkâ, suu siälu kielâ. Valle lii jottáám lávdástmin ive 2008 rääjist aktiivlávt ei. Suomâst, Taažâst, Ruotâst, Saksaast, Kanadast já USA:st.

Ailu Valle almostitij suu kuálmád studioalbum “Viidon sieiddit” ađai “Vijđánâm sieidih” 27.7.2019. Albumist Valle suogârd šoŋŋâdâhnubástus áigáduv jurdâččemvuovijd já luándukoskâvuođâ vuáimálávt filosooflijn vuovvijn; juáigus já spoken word sehe tavesämi-, suomâ- já eŋgâlâskielâlii ráp vuovijguin. Ijâttes ijjâ -konsertist Ailu Valle mieldi láá DJ Uyarakq sehe tánssájeijeeh Janita Rantanen já Niina Rajaniemi.