Anna Morottaja & Tallari
Tááláá vuálá tuhháát ulmuu anarâšsiärváduv livđe spiekâst kielâ já olgospyehtim tááhust tobdosub tavesämmilij juáigusist. Aanaarsämikielânáálá ärbivyehi mestâ jaamij 1900-lovo ääigi, mutâ 2000-lovo aalgâst arkkâduvâin kavnui eromâšávt Anna Morottaja siäsá-ááhust Anna Briitta Mattusist vyerkkejum liivđijd. Anna Morottaja aalgij vuáijuđ toid já almostitij pargo puáđusin moonnâm ive historjá vuosmuš livđe-skiäru.
Livđeest sárgoo ubâ ulmuu teikkâ motomin ellee häämist kove pyerebeht-uv jienâkevttim ko sánálâš mainâs äävhild. “Munjin livđe kuávdáást lii tobdo. Suuvâ liivđij oppâm lii ráhtám ohtâvuođâ ulmuid, kiäiguin jiem kuássin lah teivâm”, Anna Morottaja muštâl.
Konsert ohjelm ana siste iänááš Anna Briitta Mattus liivđijd, moin šadda tuávááš mainâsij fáddáin orroo ulmuin. Ärbivuáválávt liivđijn ij lah čuojâldittem, mutâ Tallari jesânij viijđes instrumentmáttu já tárkká smiettum heiviitmeh tuárjuh pyereest ärbivuáválâš livđe.
Kuobžâ-Piäká Ánná, Anna Morottaja, lii anarâš musikkár. Sun livđoo, juáigá já lávlu. Muusik rähtim paaldâst sun kuáláást, myerjee, tuáijoo, myerree sehe máttát aanaarsämikielâ. Šeštee já luándu kunnijâttee eellim lii sunjin tehálâš.
Pelimannimuusik kuávdáást Kaustis kuávlu aalmugmuusikjuávkku Tallari lii joo 35 ihheed toollâm paijeen syemmilâš aalmugmuusik njuovčâtuulâ cokkiitmáin arkkâduvâi aarnijd eelliđ já uđđâ rähtimáin.
Puoh artisteh