Arvvas

Konsert
Sajos
La 20.08 tme 21:00

Arvvas lii duo, moos kuullâv jyeigee-lávloo Sara Marielle Gaup já basisti-lávloo Steinar Raknes.
Arvvas ovtâstit muusikistis moodeern juáigus já Americana, mii lii ameriklii aalmugmuusik, country, R’n’B já rock ovtâstittem. Sara Marielle Gaup já Steinar Raknes čäälliv puoh pittáid oovtâst. Juáigusteevstah já sanniittâsah láá sehe sämikielân já eŋgâlâskielân.

Sara Marielle Gaup lii enâmustáá tobdos Adjágas-juávhust. Sun lii lasseen ráhtám meid maaŋgâid sooloprojektijd já lii maailmluoka jyeigee, kote haaldâš sehe tovláid já tááláid juoigâmtekniikijd.
Steinar Raknes vuod lii tobdos iivij oovtâstpargoost juoigâmmiäštár Inga Juusoin Skáidi-duost já Arvvas lii-uv Skáidi ärbejeijee.

Arvvas uđđâsumos skiärru, Dás Dál (2022) lii rahtum koronaääigi, ko oles siärvádâh lâi steŋgejum já tot kulloo eromâšávt pittáást ”Manne go? – You Ask Me”.
Ijâttes iijâst tun peesah navdâšiđ Arvvas vorâs skiäru áinoošlajâsii jienâmaailmist!