ÁŠŠU
Áššu lii energisâš trio, mii lii tobdos muusikist, mii finnee inspiraatio tavesämikielâlijn juáigusijn. Ulla Pirttijärvi lii pegâlmâs sämmilâš jyeigee, kii lii lávdástâm tave-enâmij lasseen pirrâ maailm jo paijeel kulmâlov ihheed. Kenneth Ekornes já Olav Torget vuod lává jazz- já maailmmuusikkiedist tobdos já hárjánem utkááh musikkáreh. Suái lává porgâm oovtâstpargo eereeb iärrás Mari Boinein, Solo Cissokhoin já Karl Seglemijn.
Áššu oovdânpuáhtá Ulla Pirttijärvi nuottim já juávhu heiviittem ärbivuáválijd juáigusijd. Olavist lii vijđes vuáttámuš Viestâr-Afrikast já Kennethist lii muusiklâš škovlim Brasiliast. Taat eennâmtieđâlâš aksel hämmee Áššu muusikmaailm vuáđu, mii uulât ritmâmuusikist ambient-jienâmaailmân.
Ive 2019 Áššu vuossâmuš album, Áššu, lâi eromâš piivnoh aalmugijkoskâsii maailmmuusiksiärvusist. Tot palhâšui ’Preis der Deutschen Schallplattenkritik’ -palhâšuumijn, mii juáhhoo neljii ivveest, já Songlines ’The most important Sámi albums’ -listoost tot lâi love pyeremuu juávhust.
Sii uđđâsumos album, Luohteniegut, almostui kuovâmáánust 2025.
Kove: Oda W. Torget
Puoh artisteh