ELLA MARIE
Sämmilâš artist, aktivist já čaittâleijee Ella Marie lii kiäsuttâm kuldâleijeid já keččeid ISÁK-juávhu karismaatlâžžân laavlâsolistin já sun lii šoddâm tobdosin pirrâ maailm, ko sun vuoitij Taažâ Stjernekamp-ohjelm ive 2018. Taan ive artist lii algâttâm soolokarrieer já oovdânpuáhtá mučis já ááigán čonâsmettum popmuusik tavesämikielân. Vuossâmuš sooloalbum ”Varra (Part 1)” almostui 31.1.2025.
”Varra” – Vorrâ lii tego ruopsis läigi, mii jotá suu album čoođâ. ”Maŋgii ko mij taistâlep olgoštem vuástá te koččâmuš lii ain voorâst, mii kolgá vorrâsuonâin”, Ella Marie iätá. ”Tot lii miinii, maid tun jieh pyevti haldâšiđ – tot lii tot, maht tun lah šoddâm. Album nubbe peeli vuod koijâd: Kiän kieđâin vorrâ lii? Kiästnii lii ovdâsvástádâs voorâst, mon mij lep vardam.”
Iivij mield Ella Marie lii finnim tubdâstâs sämmilij vuoigâdvuođâi piälušteijen já lii ohtâ oles Skandinavia njunoš algâaalmugvuoigâdvuođâi piälušteijee. Artist vuossâmuš rooli čaittâleijen lâi váldurooli Ellos eatnu -elleekooveest.
Jieijâs konsertijn Ella Marie oovdânpuáhtá ruokis já vááimust puáttee lavluid, main puohâin kulloo čiävláávuotâ sämmilij riges kulttuuräärbist –- čiävláávuotâ, mii kulloo jyehi nuotâst, säänist já oovdânpyehtimist.
Kove: Mads Suhr Pettersen
Puoh artisteh