Emil Kárlsen

Konsert
Sajos
Vá 19.08 tme 19:30

Omasvuonâst, Tave-Taažâst meddâl orroo Emil Kárlsen čáálá já lávlu tavesämikielân tienuuvt, ete jieh lah ovdil kuullâm Sämienâmist. Tivtâliih teevstah já melodisiih vokaleh čonâseh oohtân klassiklij tävgičuojânâsâiguin, moodeern juávhoin já virdedeijee jienâmaailmijguin.

Nuorâ, 23 ive avestis huolâhánnáá Kárlsen lii jo hárjánâm musikkár, sännejeijee, pyevtitteijee, artist já čaittâleijee. Debytskiärustis, Nagirvárrái, sun poorgâi oovtâstpargo sehe Arktâsii filharmonisii orkesterijn já pegâlmâs sämiartistijguin, tego Lávrein, Katarina Barrukijn já Hildá Länsmanijn. Lasseen skiärust kolliv ISÁK-juávhu Ella Marie Hætta Isaksen já Áidna.

”Nagirvárrái” ađai Naverváárán čuujoot sämmilii tuávádâhân, mast vyelgip kolliđ naverväärist epke tuš vyelgi uáđđiđ. Uáđđim lii sämisiärváduvâin lamaš ain eenâb ko tuš vuoiŋâstem. Naharijn juksii mielâtile, mii toovâi máhđulâžžân nuubij ooláádmudoi ohtâvuođâ ulmui suu naharij peht. Taat navermielâtile lii meid Emil Kárlsen muusik já sannimij vuolgâsaje.