Felgen Orkester
Felgen Orkester lii kárášjuvlâš, ive 2011 vuáđudum juávkku, mast čuojâtteh kuttâ viljâpele skipárijdiskuin.
Felgen Orkester čuojât folk-pop-rock- muusik (Joik’n’Roll) já puoh lavluuh láá tavesämikielân. Juávhu jesânijn lii noonâ koskâvuotâ luándun já sij oceh-uv inspiraatio muusikân pirâstittee luándust. Motomeh lavluuh láá siskáldâs peeleest uáli abstraktliih já čoovdâ tai ibbeerdmân kavnuš-uv luándust.
Juávhu ulmen lii ain lamaš rähtiđ tuođâi eeliš já ilolâš muusik. Folk já kepisvuođâ juávhu čuojâtmân pyehtih haidar já mandoliin.
Juávkku almostitij deebyytalbumis, Skealbma mojit, ive 2015 já nube album, Duhát jagi geahčen, ive 2017.
Oovdeb Ijâttes ijjâ -lávdástem maŋa sij láá almostittám jo kyehti skiäru: Mirko Čalmmit (2019) já Čuđit (2021).
Felgen Orkester tobdosumos pitáh láá Beaivelottážat, Buolli dolla, Ferrari vuoján, Jovnna já Nilsen, main Jovnna pajanij meid Radio Suomi pehtilis čuojâtmân.
Juávhu uđđâsumos single, In gula, almostui njuhčâmáánust 2023.
Puoh artisteh