Katarina Barruk

Umesämmilâš lávloo-laavlârähtee Katarina Barruk lii tääl ohtâ mielâkiddiivumos moodeern sämimuusik rähtee. Katarina Barruk kirkes jienâ, vildáás juoigâm já improvisaatio ovtâstuveh moodeern pop-rock- muusikân intensiivlii showst.

Katarina Barruk láávdást já almostit skiäruid umesämikielân. Umesämikielâ lii sämikielâ, mon UNESCO lii listám tuođâlávt uhkevuálásâžžân já mon sárnooh láá tuš muáddilov. Siämmást ko Katarina Barruk ráhtá muusik umesämikielân, te sun puávdee kuldâleijeid jieijâs maailmân, já addel tile vuoiŋâđ já pisániđ luándu já muusik vuáruvaikuttâsân.

Katarina Barruk nubbe sooloalbum almostui roovvâdmáánust 2022 já läävdi alne Katarina Barrukijn lii musijkkárjuávkku, mast láá taažâ musijkkáreh. Katarina Barruk lii lávdástâm aktiivlávt Ruotâ já Taažâ festivaalijn ive 2015 rääjist, kuás almostui suu vuossâmuš album Báruos.

Katarina Barruk
Spotify
Youtube: Evelina (2015)
Facebook
Instagram