Solju
Solju lii juávkku, mast enni Ulla Pirttijärvi já nieidâs Hildá Länsman huksiv dialog ärbivuáválii já moodeern sämikulttuur kooskâ já meid ohtâvuođâid eurooplii keččâlâddâmvuálásii popmuusikân.
Solju muusikist tavesämikielâliih juáiguseh já lavluuh sierâdeh já čonâdâteh oohtân fiijnâ jienâmaailmin. Solju njunošeh Ulla já Hildá pyehtiv čiävláht oovdân jieijâs madduid já juáigusijn lii kirjáás já kiävrudeijee vyeimi. Eeliš, realistlâš, ivnáá, jiešvuođâlâš mutâ nube tááhust meid eeteerlâš já máálájeijee láá säänih, moiguin rähteeh jieijah valdâleh jieijâs muusik.
Nuotah valdâleh sehe tááláá ääigi nuorâ säminissoon argâpeeivi vuáttámušâid já meid sämmilij ärbivuáválijd eellimvuovijd, mainâsijd já eellimuáinu. Solju muusikist puáhtá aiccâđ lávustâllâm liegâsvuođâ mon sáttá kieđâiguin kuoskâttiđ, sehe arktâsii luándu hammim siđhesvuođâ já sine.
Solju deebyytalbum Ođđa Áigodat almostui 2018 Bafe’s Factory -skiärrumerháin. 2019 album vuoitij ’Best International Indigenous Release’ -juávhust Kanada Indigenous Music Awardsist.
Uđđâ album ”Uvjamuohta” (Uvjâmuotâ) almostui 2022 (Bafe’s Factory).
Puoh artisteh