Čájálamas: Biret & Gáddjá Haarla Pieski – Čalmmiid Čađa

Dán báikkis, dáin olbmuiguin, dán dilis, dáin návccain, odne, dál:

čalbmat oaivvilda álgit oaidnit. Dát mátki álgá geahččamis, beare geahččamis. Dasto oaidnimis ovdagáttuid ja čilgema haga, siivui moai geahččaletne gulahallat gaskaneaset ja dainna báikkiin. Diktit dakkár dili leat doarvai. Diktit dan johtit čađa čalmmiid, čoavjái čoliide, goruđii.

Dát guoktá álggaheaba sániid cuvkemis. Sánit, maide ii sáhte luohttit, mat eai doala deaivasa go orrot leamen dušše čáhppađa vielgadis, soahpamuš mii lea jo álgo álggus gaikojuvvon.

Vuolgiba.

Joavdaba nubbi sadjái, álggaheaba ođđasit, guoddiba muittuid vássánáiggis. De čiehkaba luottaideaskka, ealliba linis dáistaleamis láhppon soahpamušain. Geahčastat, mii vánddarda birat birra, bajás vulos, olggobeallai, siskobeallai, jorggobeallai.

De fas vuolgiba, johtiba, máhccaba.

Giitosat:
Konseapta ja ovdanbuktin: Biret Haarla Pieski, Gáddjá Haarla Pieski
Dramaturgalaš veahkki: Antoine Dupuy-Larbre
Jietna: Nicholas Francett
Vuöllie/luohti: Katarina Barruk
Bádden ja luođi mixeren: Arnljot Nordvik
Čuovgahábmen: Meri Ekola
Biktasat: Iida Ukkola

Giitu Suoma Kulturinstituhta Benelux, Beursschouwburg, Sámiráđđi, SSN- Suoma Sámi Nuorat ja Riddu Riđđu Festivála

Credits:
concept & performance: Biret Haarla Pieski, Gáddjá Haarla Pieski | dramaturgical assistance: Antoine Dupuy-Larbre | sound: Nicholas Francett | vocals: Katarina Barruk | recording and mixing of vocals: Arnljot Nordvik | light design: Meri Ekola | costumes: Iida Ukkola
With the support of Finnish Cultural Institute for the Benelux, Beursschouwburg, The Saami Council, SSN – Suoma Sámi Nuorat and Riddu Riđđu Festival, Baltic Circle