Duodjebargobájit nuoraide ja ollesolbmuide

Doŋgeriboagán-bargobádji nuoraide ja ollesolbmuide 

Lávvardat 16.8. diibmu 14.00-16.30, Dollagáddi latnja Sajosis 

Oassálastit besset hervet doŋgeriboagána sierra ivdnásaš riekkáiguin iežas guovllu málle mielde. Boagán lea gárvvisin čuhppojuvvon ja das lea boaganoaivi gárvvisin. Oassálastit mákset Sámi duodjái 25 euro materiálamávssu. Almmuheapmi báikki alde. 

Bargobáji ordne Sámi duodji. 

Sistesnuvra-bargobádji nuoraide ja ollesolbmuide 

Lávvardat 16.8. diibmu 14.00-16.30, Dollagáddi latnja Sajosis 

Nonstop sistesnuvra bargobáji oassálastit besset dudjot čoavddaguoimmi dahje čeabetbátti. Oahpaheaddjin Seija Magga ja Marianne Ketola. Bargobádjái čáhket 10 oassálasti ain hávil ja mielde sáhttá boahtit, go ovddit lea geargan ja addán saji. Oassálastit mákset Sámi duodjái 14 euro (čoavddaguoibmi) dahje 18 euro (čeabetbáddi/guhkit čoavddaguoibmi) materiálamávssu. 

Bargobáji ordne Sámi duodji.