ELLA MARIE
Sámi artista, aktivista ja neavttár Ella Marie lea guoimmuhan min ISÁK-joavkku karismáhtalaš lávlusolistan ja šaddan dovddusin miehtá máilmmi, go vuittii Norgga Stjernekamp-prográmma jagis 2018. Vássán jagis son lea álggahan solokarrieara ja ovdanbuktá čáppa, áigái čanakeahtes popmusihka. Su vuosttaš albuma “Varra (Part 1)” almmustuvai 31.1.2025.
Varra lea dego rukses láigi, mii johtá su albuma čađa. “Máŋgii go dáistalat vealaheami vuostá de sáhka lea ain varas, mii golgá varrasuonain”, Ella Marie muitala. “Dat lea juoga, man it sáhte hálddašit – dat lea, mo riegádit. Albuma nubbi bealli fas jearrá: Gean gieđain varra lea? Geas nu lea ovddasvástádus dan varas, man mii leat vardán.”
Ella Marie lea árvvusatnon sápmelaččaid rivttiid bealušteaddji ja okta olles Skandinávia njunuš eamiálbmotrivttiid bealušteaddjiin. Son lea maid neavttár, gean vuosttaš neaktinbargu lei váldorolla Ellos eatnu -filmmas.
Iežas konsearttain Ella Marie čuojaha roahkkadis ja váimmus boahtti lávlagiid, main gullo čeavláivuohta sápmelaččaid rikkis kulturárbevierus. Dat lea čeavláivuohta, mii gullo juohke áidna nuohtas, sánis ja ovdanbuktimis.
Govva: Mads Suhr Pettersen
Buot artisttat