FELGEN ORKESTER
Felgen Orkester lea Kárášjoga joavku mii álggahuvvui 2011:s. Guhtta vilbeleža ja sin skibir čuojahit Felgenis. Orkestera motto lea Joik’n’Roll!
Felgen čuojaha folk-pop-rock-musihka, ja buot lávlagat leat davvisámegillii. Joavkku miellahtut leat buohkat hárjánan meahccái, ja luonddus vižžetge inspirašuvnna musihkkii. Muhtun lávlagiid sisdoallu lea hui abstrákta, ja soaitá luonddu bokte daid sáhttit čilget.
Joavkku ulbmilin lea álohii leamašan ráhkadit hui ealas ja movttegis musihka. Earet eará atnet čuojanasaid dego mandoliidna ja geasanasa vai musihkka šattašii geahpasin ja lahka álbmoga.
Felgen Orkester almmustahtii vuosttás skearros, Skealbma mojit, 2015:s ja nubbi, Duhát jagi geahčen, jagis 2017. Maŋimuš Ijahis ija ovdanbuktima maŋŋá sii leat geargan almmustahtit jo guokte skearu: Mirko Čalmmit (2019) ja Čuđit (2021).
Orkestera dovdoseamos bihtát leat Beaivelottážat, Buolli dolla, Ferrari vuoján, Jovnna ja Nilsen, main Jovnna lea beassan maiddai Radio Suomi čuojahanlistui.
Joavkku varrasamos siŋŋel, In gula, almmustuvai njukčamánus 2023.
Buot artisttat