IJAHIS IJA OVDAFEASTA | ELLINOR

ELLINOR lea 23-jahkásaš lávlu ja lávlladahkki Deanus. Son ovttastahttá fámolaš, buori miela popmusihkastis iešsihkkarvuođa, dovdduid ja sámekultuvrra. TikTokas oahpis davvisámegielat cover-bihtát ja ovdanbuktin Sámi Grand Prix’as leat buktán sutnje fuomášumi – dál son beassá illudahttit iežas musihkain. Giđđagease almmustahttojuvvon vuosttaš single “Higher (Than I’ve Ever Been)” lea easkka álgu!

Dát lea áidnalunddot vejolašvuohta vásihit ELLINOR intiima, akustihkalaš konseartta.
Ahkerádji 18 jagi. Nuvttá sisabeassan.