KAJSA BALTO

Kajsa Balto lea stáđásmahttán iežas sajádaga oktan bivnnuhamos sámi jietnan Norgga musihkkamáilmmis. Son lea boahtán dovddusin artistan, guhte ligge guldaleaddjiid váimmuid, muhto gean lávlagiin lea maiddái dehálaš mearkkašupmi.

Son ovdanbuktá lávlagiiddiset fámolaččat ja intensitehtain, mii rohtte guldaleaddji fárrui. Ovttas musihkkajoavkkuinis son lágida konseartavásáhusa, mii báhcá millii ja guođđá guldaleaddji vuordit eambo.

Kajsa bajásšattai Oslos norgalaš eatni ja sápmelaš áhči mánnán. Dát kulturduogáš lea nannosit váikkuhan su dáiddalaš geahččanguvlui. Son lea hábmen iežaslágán musihkalaš máilmmi, mas son rasttilda genrerájáid, muhto man ruohttasat lea nannosit juoiganárbevierus. Miessemánu 17. beaivve 2024 son almmustahtii albuma Rájás, mii oaččui erenomáš buriid árvvoštallamiid. Almmustahttinbeaivi lei mearkkašahtti dasgo son beasai loaiddastit NRK álbmotbeaivvisáddagis. Maiddái jagi 2024 vuosttaš adveantasotnabeaivi lei historjjálaš, dasgo Kajsa Baltos bođii vuosttaš sámi artista, guhte lei mielde KORK:a (Norgga radio sinfoniaorkester) juovlakonsearttas. Vássán jagiin son lea ožžon erenomáš buorre máhcahaga nationála ja internationála dásis.

Youtube:

Rájás. 2024.

Buot eallá. 2020.

Govva: Ørjan Marakatt Bertelsen