Solju

Solju lea musihkkajoavku, mas eadni Ulla Pirttijärvi-Länsman ja su nieida Hildá Länsman sihke láhčet dialoga árbevirolaš ja modeardna sámekultuvra gaskii ja hábmejit oktavuođa eurohpalaš geahččaleaddji pop-musihkkii.
Solju musihkas ovttastuvvet sámegiella ja luohti ođđalágan ja hutkkas jietnaduovdagiidda. Solju buktá čeavlát ovdan sámi máttuid, davvi kultuvrra ja luohtemusihka valjis ivnniid ja iešvuođaid. Lávlagiin gullojit šuoŋat davviguovllu árbevirolaš mytologiijas, man váimmus lea sápmelaš identitehta. Solju musihkka hábme govaid viiddes duottarguovlluin ja nuppe dáfus lávuid dollagáttiin.
Solju debyhtaalbuma Ođđa Áigodat almmustahttui 2018 Bafe’s Factory -buvttadanfitnodaga bokte. Jagis 2019 albuma vuittii ’Best International Indigenous Release’ -luohká Kanada Indigenous Music Awards -bálkkašandilálašvuođas.
Ođđa albuma ”Uvjamuohta” almmustuvai 2022 (Bafe’s Factory).