Tundra Electro

Konsearta
Sajos
Lá 14.08 dmu 17:00

Eanan gamáda go Tundra Electro boahtá Ijahis idjii!
Juoigi Ingá-Máret Gaup-Juuso ja musihkkár Patrick Shaw Iversen álggaheigga ovttasbarggu jo jagis 2007 prošeavttain, mat dolvo sudno Indiai, Nepalii ja Bangladeshii. 2016 soai vuođđudeigga Tundra Electro -joavkku, mii ovttasta árbevirolaš lávlunvuogi elektronihkalaš musihkkii, improvisašuvdnii ja klassihkalaš indialaš musihka elemeanttaide.
Patrick Shaw Iversen lea dahkan šuoŋaid ja Ingá-Máret Gaup-Juuso lávlun fas ovttasta badjel 100 jagi boares luđiid sihke su ođđa luđiid ja teavsttaid.
Tundra Electro vuosttas skearru, Eanan Gamáda/Earth Shaking, almmustuvai 2020. Ijahis idja lea vuosttas festivála, gos sáhtá gullat Tundra Electro skearu almmustahtima maŋŋá.