Ijahis idja -festivála mánáid ja nuoraid beaivi ii ordnejuvvo jagi 2025

Ijahis idja -festivála mánáid ja nuoraid beaivi ii ordnejuvvo jagi 2025 festivála oktavuođas. Festivála ordnejeaddjit leat gártan bargat váttes mearrádusa fuones ruhtadili geažil. Mánáid ja nuoraid beaivve golut leat máksojuvvon mánáidkultuvrra sierra doarjagiin, muhto dán jagi festiválii ii dat leat mieđihuvvon. Festivála geahččala ordnet mánáid ja nuoraid beaivve fas boahttevuođas.

Okta festivála lágideaddjiin, Sámedikki vuollásažžan doaibmi sámemusihkkaguovddáš, ordne vejolašvuođaid mielde mánáide ja nuoraide sámemusihka bargobájiid čakčalohkanbaji áigge sámeguovllu skuvllain.

Muđui Ijahis ija -musihkkafestivála ordnejuvvo nugo ovdalge Anáris, Sajosis 15.–16.8.2025.