Ijahis ija 2025 plakáhtta lea almmustuvvan

Jagi 2025 Ijahis ija plakáhtta lea almmustuvvan. Plakáhta lea hábmen dáiddár Ellen-Maarit Juuso.

Ijahis ija ovdabileahtaid sáhttá oastit čujuhusas lippu.fi. Ovdabileahtaid vuovdin nohká 15.8.2025, man maŋŋá bileahtaid sáhttá oastit vel festiválaguovllu uvssas.
Festivála prográmma gávdno čujuhusas ijahisidja.fi.

Ijahis idja lágiduvvo Anáris 15.-16.8.2024. Artisttat leat Ella Marie, Mollet, Hildá Länsman & Tuomas Norvio, Yunmiqu, Kajsa Balto, Áššu, Kaʹrjjlest saaʹmi jânnmid, Ante Aikio & Nilla Länsman, Jussen Ántte Sálmmo Ánná Máret & Guhtur Biera Jovnna Mauri Petra, sihke árbevirolaš sámemusihka konsearttas Anna Morottaja, Beaska Niillas ja Sárá Nilut. 
Prográmmii gullet maiddai duodjemárkanat, njoarostangilvu, Talent stage ja lassin buot Ijahis ija festiválagiehtabáttiiguin beassá nuvttá sisa Sámemusea Siidda čájáhusaide festiválavahkkoloahpa (be-so) áigge.

Duorastaga 14.8.2025 lea Wilderness Hotel Juutuas nuvttá Ijahis idja -ovdafeasta ovttas ELLINORain. Ovdafeasta lea K-18.

Lassidiehtu:
Veahkkebuvttadeaddji
Aleksi Ahlakorpi
aleksi.ahlakorpi(át)samediggi.fi
+358 44 902 3460