Ijahis ija ovdabileahtaid vuovdin lea álgán

Ijahis idja -eamiálbmogiid musihkkafestivála ovdabileahtaid vuovdin lea álgán.
Ovdabileahtaid sáhtá oastit čujuhusas lippu.fi sihke Lippupiste doaibmabáikkiin.
Ollesolbmuid vahkkoloahpa ovdabileahta haddi lea 69,60€ ja mánáid (7-15j) ovdabileahtta lea 22,60€.
Ovdalgihtii oston ollesolbmuid beaivebileahtta lea 38,59€ ja mánáid 11,59€.
Ovdabileahtaid hattit sisttisdollet Lippu.fi bálvalanmávssu 1,60-4,60€. Diŋgonmáksu ja vejolaš doaimmahanmáksu, mii heaŋgá doaimmahanvuogis, lasihuvvojit loahpalaš haddái.
Uvssas ollesolbmuid vahkkoloahpa bileahtta lea 80€ ja mánáid 25€ ja ollesolbmuid beaivebileahtta 45€ ja mánáid 15€.
Vuollái 7-jahkásaččaide lea nuvttá sisabeassan.
Ávžžuhit olbmuid oastit bileahta ovdalgihtii ja geavahit koartta, jos ostet uvssas.
Bábirruđain sáhtá maid máksit uvssas.

Ijahis idja lágiduvvo Anáris 15.-16.8.2024. Artisttat leat Ella Marie, Mollet, Hildá Länsman & Tuomas Norvio, Yunmiqu, Kajsa Balto, Áššu, Kaʹrjjlest saaʹmi jânnmid, Ante Aikio & Nilla Länsman, Jussen Ántte Sálmmo Ánná Máret & Guhtur Biera Jovnna Mauri Petra, sihke árbevirolaš sámemusihka konseartas Anna Morottaja, Beaska Niillas ja Sárá Nilut. 
Prográmmii gullo maiddai duodjemárkanat, njoarostangilvu, Talent stage ja lassin buot Ijahis ija festiválagiehtabáttiin beassá nuvttá sisa Sámemusea Siidda čájáhusaide festiválavahkkoloahpa (be-so) áigge.

Duorastaga 14.8.2025 lea Wilderness Hotel Juutuas nuvttá Ijahis idja -ovdafeasta ovttas Ellinor Halvariin. Ovdafeasta lea K-18.

Lassidiehtu:
Veahkkebuvttadeaddji
Aleksi Ahlakorpi
aleksi.ahlakorpi(át)samediggi.fi
+358 44 902 3460