Ailu Valle

Konseʹrtt
Livestream
su 15.08 čiâss 20:15

Ailu Valle lij 35-âkksaž tâʹvvsäämas, lääddas da eŋglõsǩiõʹlle räʹppjeei artistt. Valle nääʹlest õhttan bieʹllvaʹlddi saakk, teeknlažvuõtt da tobdd. Valle lij šââddaž kuʹǩǩen tââʹvest, muäʹddlo oummu siõm puäʒʒsiidâst Kaamâsmååʹǩǩest, Uccjooǥǥ kååʹddest. Valle miõl aaʹlji ǩieʹssed räʹpp juʹn pââibužškooulâst, ko lisspuus da räʹppmiârk aʹlǧǧe eeʹtted še tâvva da eeʹjj 2006 pooddi son räʹppješkueʹđi eŋglõsǩiõʹlle da lääddas.
 
Sääʹm ǩiõll käunnʼji luâđstes, ko jiiʹjjes perspektiiv kaaunškueʹđi sââʹjes  da rääʹppest käunnʼji jiiʹjjes vääll proteʹstten viõsttrallaš kulttuur luâđ tårmmai maʹlle. Tõn õõl tâʹvvsääʹmm lij suʹnne vääim da tåbddji tulkk, suu siõl ǩiõll.
 
Valle lij jååttam keikkain eeʹjjest 2008 ääʹljeeʹl aktiivlânji jm. Lääʹddest, Taarrâst, Ruõccâst, Tuiʹskkjânnmest, Kanadast da USA:st.

Ailu Valle õlmstõõʹtti kuälmad studioalbuumes “Viidon sieiddit” leʹbe “Laajentuneet Seidat” 27.7.2019. Albuumâst Valle smeâtt äimm-muttâz äiʹǧǧpââʹj šiõttõõttmõõžž da luâttkõõsk čiŋŋlõs filosooflaž täävtõõzzin; neävvan juõigg da spoken word di tâʹvvsääʹm-, lääʹdd- da eŋglõsǩiõllsaž räʹpp. Iinnteʹmes inn -konseeʹrtest Ailu Valle mieʹldd lie DJ Uyarakq di taʹnssjeei Janita Rantanen da Niina Rajaniemi.