Angelit

Aŋŋel leʹbe Aŋŋel siidâst åårrai Tuuni da Ursula liâ välddam šâddjânnam da ålggjânnmi  čuäjtõõzzineez pääiʹǩ kuullji čâđđmin juʹn pâʹjjel koummlo eeʹjj poodd. Aŋŋel õhttee luânddlânji jeeʹres pleässjemryytmid, juõiggummuž  da eneerǥla čuäjtõõzz. Suännai musiikk lij raaji tuʹtǩǩummuž da veeidummuž säʹmmlaž äʹrbbvueʹjj seuʹrrjeen da tõid oođeen, jiijjâs äʹrbbvuõđeez äärvsteen.

Juõigg lij äʹrbbvuõđlast ååʹblǩest õhttjiõnnsaž da sååitʼteʹmes improvisaatio, leša Aŋŋel liâ puâlltam juõiggu leäđǥǥ jiijjâs persoonlain temperameentlain čuäjtõõttâmnaaʹlin da rumbbsååitain. 

Aŋŋli musiiklaž nääʹl lij veiddnõõvvâm da õõudâsvikkum eeʹjji poodd akuustlast etnomusiikkâst liâdǥlõʹžže maaiʹlma da tõn pääiʹǩ tekno-, pop- da rock – musikknaaʹli räjja čuäjtõõttâmpääiʹǩ da narood mieʹldd. Suäna jeäʹla ni muttsi mâʹŋŋlest väjldâttam äʹrbbvuõđla juõiǥ viõǥǥ da koʹst suäna liâ puättam. Tâʹvvjânnmest tõt viõkk puätt.