Arvvas

Konseʹrtt
Sajos
su 20.08 čiâss 21:00

Arvvas lij duo, koozz koʹlle juõiggjeei-läullai Sara Marielle Gaup da basistt-läullai Steinar Raknes.
Arvvas õhttat jiijjâs musiikkâst ođđäiggsaž juõiǥ da Americana, koʹst lie õhttuum ameriikklaž meermusiikk, country, R’n’B da rock. Sara Marielle Gaup da Steinar Raknes ǩeeʹrjte puk käpplõõǥǥid õõutveäkka. Juõiggteeʹkst da sääntõõzz lie nuʹtt sääʹmǩiõʹlle ko eŋgglõsǩiõʹlle.

Sara Marielle Gaup toobtât pueʹrmõsân Adjágas-bändist. Son lij tuejjääm še määŋgaid sooloprojeeʹktid da lij maaʹilm juõiggjeei, kååʹtt silttad nuʹtt tuâlʼjõõžžid ko modeeʹrnid juõiggtekniikkaid.
Steinar Raknes beäʹlstes lij tobddum eeʹǩǩpõõʹji õhttsažtuâjast juõiggmäästar Inga Juusoin Skáidi-duosđ da Arvvas nuʹtt-i lij Skáidi äärblaž

Arvvas ođđ jiõntõs, Dás Dál (2022) lij rajjum korona-ääiʹj, ko puk õutstõõzzâst leäi ǩidd da tõt kollai aainâs biisist ”Manne go? – You Ask Me”.
Ijahis idjast piâzzak naaudčed Arvvas võõrâs jiõntõõzz jiijjâsnallšem jiõnnmaaiʹlmest!