Intrigue

Konseʹrtt
Sajos
su 20.08 čiâss 23:59

Intrigue lij eeʹjjest 1989 Kaarasjooǥǥâst, Taarr beäʹl Sääʹmjânnmest vuâlǥaž bäʹndd. Tõt lij õhtt sääʹm-musiikk rock kuʹlmmǩieʹđjin da maaiʹlm oʹdinak bäʹndd, koon musikkšlaajj lij heavyjuõigg – tõõzz liâ õhttuum äʹrbbvuõđlaž sääʹm-musikk da loʹsses rock.

Intrigue lij raavâs livebäʹndd, kååʹtt lij såittam čueʹđid čuäjtõõzzid da jååttam Taarr lââʹssen še pirr maaiʹlm. Bäʹndd lij čuäjtõõttâm jäänmõsân polarkruugg tâʹvvbeäʹlnn feʹsttvaalin, koʹst bäʹndd lij ǩeässam mieʹldd tiudd ǩiõččâmpaaiʹǩid konseeʹrteez da siʹjjid ââʹnet-i õhttân vuuʹd pueʹrmõõzzin livebääʹndin.

Intrigue EP Heavyjoik (2002) ciʹsttješ kåʹllceärnnsin Taarrâst da bäʹndd leäi õhtt kaaupšum artiistin 2002/2003.

Ijahis idjast vuäitak uʹvdded Intrigue ǩieʹssed tuu mieʹldes da naaudšed samai oʹdinakai õhttuum rock da juõiǥ mâʹŋŋǩieʹzz veeiʹjest da pakk jeäʹǩǩespââʹjest.

Bääʹnd snimldõk: Knut Åserud