Solju
Solju lij bäʹndd, koʹst Ulla Pirttijärvin niõđines Hildá Länsmanin nuʹtt tuõʹllʼje dialoog äʹrbbvuõđlaž da modeern sääʹm kulttuur kõõskâst, ko njâʹđđe õhttvuõđid euroopplaž ǩiõččlõddi popmusiʹǩǩe.
Solju musiikkâst tâʹvvsääʹmǩiõllsaž juõiǥ da laulli siõrtâʹlle ǩiõmrdeeʹl õʹhtte loommjen jiõnnkueʹstlmen. Solju njoonašoummu Ulla da Hildá põʹhtte ilbbsen ouʹdde preddnes da juõiǥin šõddi suåppõõʹtti da viõkksažvuõđ uʹvddi õõlmtõõttâmviõǥǥ. Veäʹliǩ, jieʹlli, eunnai, jiijjâsnallšem leša nuuʹbb nalla še eteerlaž da maaʹljeei liâ sääʹn, koin raajji jiijj sueiʹmkrâʹstte musiikkâs.
Tuejjõõzz sueiʹmkrâʹstte ânnʼjõžpeeiʹv nuõr sääʹmneezzan arggpeeiʹv tobdlmid, nuʹt säʹmmlai äʹrbbvuõđlaž jieʹllemnaaʹlin, mainnsin ǥu jieʹllemǩiõččmõõžžâst kaggõõʹtti mainnsid. Solju musiikkâst lij ǩiõđinkuõskteei paakkâsvuõtt da õõldâsvuõtt kåvvaz tollpeällsest naaudšeeʹl, di aarktlaž luâđ raajjâm da õõlǥteei sitkkâdvuõtt da väimmšõsvuõtt.
Solju debyttalbum Ođđa Áigodat lij õlmstõttum 2018 Bafe’s Factory -jiõntõsmiârkin. 2019 album vuõiʹti ’Best International Indigenous Release’ -rääid Kanada Indigenous Music Awardsist.
Ođđ album ”Uvjamuohta” (Puuterilunta) õlmstõõvi 2022 (Bafe’s Factory).
Puk artiist