Ijahis ija bileahtaid vuovdin álgá vuossárgga 26.7.

Ijahis idja -álgoálbmogiid musihkkafestivála ovdabileahtaid vuovdin álgá vuossárgga 26.7. Ovdabileahtaid sáhtá oastit čujuhusas lippu.fi, Lippupiste doaibmabáikkiin sihke Sámekulturguovddaš Sajosis, Anáris.

Ollesolbmuid ovdabileahta haddi lea 35€ ja mánáid (7-15j) ovdabileahtta lea 12€. (Lippu.fi siiddus haddái lasihuvvo lippu.fi bálvalanmáksu.) Uvssas ollesolbmuid bileahtta lea 40€ ja mánáid bileahtta 15€. Vuollái 7-jahkásaččaide lea nuvtta sisabeassan.
Ávžžuhit olbmuid oastit bileahta ovdalgihtii ja geavahit koartta, jos ostet uvssas.
Bábirruđain sáhtá maid máksit uvssas.

Ijahis idja lágiduvvo Anáris 14.8.2021. Artisttat leat Jon Henrik Fjällgren, Amoc x Ailu, Ozas, Tundra Electro ja Yungmiqu sihke juoigit Niiles-Jouni Aikio, Bigga Aikio ja Laura Tapiola. Lassin prográmmii gullo maiddai duodjemárkanat, njoarostangilvu ja pop up -bargobájit.

Muittuhit olbmuid fuolahit giehtahygienias ja dorvogaskkain. Festiválaguovllus leat desinferensajit. Boađe dáhpáhussii dušše dearvvasin!