Sámegielat Mumenat ja Yle 100 -busse bohtet Ijahis idjii!
Ijahis Idja ja Yle ordnejit nuvttá Mumenvággi-čájáhusa golmma sámegillii. Yle 100 -busse lea báikki alde olles festivála.
Ijahis Idja ovttas Ylein ordne buohkaide rabas čájáhusa, gos beassat oaidnit sámegielat Mumenvákki ođđa osiid. Nuvttá čájáhusas čájehuvvo golbma oasi – okta anárašgillii, okta davvisámegillii ja okta nuortalašgillii.
– Yle Drama illuda leat mielde Ijahis Ijas, gos ráhkis Mumen-máidnasiid beassat čájehit stuorra šearmmas justa sidjiide, geaidda dat leat dahkkon. Go mánná oaidná iežas jiellat karakteraid hállamin iežas eatnigiela stuorra šearpmas, dat lea erenomáš. Mumenvággi golmma sámegillii lea Ylei olu eambo go dušše animašuvdna – mii sávvat ja jáhkkit, ahte mánát ja boahttevaš buolvvat maid dovdet, ahte sin giella lea dehálaš ja ealás, dadjá Yle Drama hoavda Jarmo Lampela.
Čájáhus ordnejuvvo Sámemusea Siidda auditoriijas lávvardaga 15.8. diibmu 12.00. Báikki alde leat maid dahkkit.
Yle 100 -busse festiválaguovllus
Yle ávvuda dál 100 jagi doaimmas. Dan gudnin Yle 100 -busse lea johtán miehtá Suoma ja dál dat boahtá maid Ijahis Idjii! Busses beasat speallat iešguđetlágan spealuid ja vuoitit bálkkašumiid, geahččat vel nuppes Mumenvákki ja deaivat Yle bargiid.
Yle 100 -busse lea báikki alde olles festivála.
Lassediehtu:
Minna Lehtola,
Ijahis Idja- tuottaja
044 902 9295
Xia Torikka
Yle
044 421 0956