LUOĐIT

Jussen Ántte Sálmmo Ánná Máret, Anna Näkkäläjärvi-Länsman juõiggai vuäʹmm da ođđ luohti Juutuajooǥǥ tieʹrm âʹlnn. Annain juõiggai suʹst vuäʹrnnpieʹll, Guhtur Biera Jovnna Mauri Petra – Petrabiret Magga-Vars. Kuâhttast suäna kåčča čõõʹlmi õuʹdde sooǥǥeez kueʹstlmid, mooštaid da oummuid, puuʹteeʹl tõid täbbjiʹžže juõiggjeeʹl. Šõddmõš lij vueʹssen Näkkäläjärvi-Länsman čeäppõõzzlaž dåhttartuʹtǩǩummšest Heʹlssen čeäppõsuniversiteeʹtt Sibelius-Akatemiast.

Anna Näkkäläjärvi-Länsman, Jussa Antti Salomon Anna, lij sääʹmartistt da juõiggjeei, Aanrest vuâlǥaž. Son lij šõddâm jieʹlli sääʹmõõutstõõzzâst, koʹst tâʹvvsääʹm juõigg leʹbe luohti lij leämmaž kõskksââʹjest kulttuurâst da aarǥâst. Näkkäläjärvi-Länsman toobdât raavâs tuʹlǩǩeeʹjen, kååʹtt õhttââll äʹrbbvuõđlaž luohti samai jiiʹjjes da modeern õlmmeemvuâkka. Suu jiõnn kuâdd maddjid da čeäppõõzzlaž mooččâdvuõđ. Son lij ouddam konseeʹrtid nuʹtt soolon ǥu jeeʹres norrõõzzin Lääʹddjânnmest di meeraikõskksânji, jm. čeäʹppnõõmin Ánnámáret. Tän poodd son tuejjad čeäppõõzzlaž dåhttartuʹtǩǩummuž Čeäppõsuniversiteeʹtt Sibelius-Akatemiast, tuʹtǩǩeeʹl juõiggjummuž vueʹssen ânnʼjõžsäʹmmla identiteeʹttest da čeäppõõzzlaž õlmmõõzzâst. Suu tuâj kõskksââʹjest lij sääʹm kulttuur jieʹllemviõkksažvuõđ da juätkkjemvuõđ nâânummuš.

Juõiggâr Petra-Biret Magga-Vars, Guhtur Biera Jovnna Mauri Petra lij vuâlǥaž Vuâčč  (Vuohčču) siidâst, kååʹtt lij säʹmmlai dommvuuʹd saujjruõbdâst. Suʹst maddi vuälla kuuitâǥ tââvas, sa Jeänõõǥǥ da Kautokeino räjja. Päʹrnnpoodd Magga-Vars kuuli juõiggjummuž jiiʹjjes sääʹmõõutstõõzzâst da mättji äʹrbbvuõđlaž juõiǥid suu ääʹjjest di juʹn tunâlmma mõõnnâm sääʹm ââʹǩǩoummin. Son lij jååttam juõiggjeeʹjen veiddsa meeraikõskksânji, jeeʹrab mieʹldd Saksslajânnmest, Färsuâllʼjin, Kanadast da Japaanâst. Sámi Grand Prix -ǩeâlb juõiggjeeʹjid Magga-Vars lij vaʹlljuum kuõʹhttešt. Tän poodd son tuejjad jiiʹjjes juõiggsooloalbuum di veekk juõiggäʹrbbvuõđ ooudårra mättʼtemtuâjas pääiʹǩ, ââʹneeʹl tuâjjpaaʹjid da kuursid.