YUNGMIQU
Yungmiqu leʹbe Mihkku Laiti lij Uccjooǥǥâst vuâlǥaž sääʹm rap-artistt, koonn genreraajid râstldeei musikk lij čuõjjâm pirr Tâʹvvjânnmi juʹn eeʹjjest 2019. Son õhttââll musiikkstes tââʹv kõrr rap-musiikk soundid di elemeeʹntid elektroonlaž musiikkâst.
Laiti lij raajjâm musiikk õõutsââʹjest lääʹdd kõrrsõmâs sääʹmsartiistivuiʹm, mâʹte Ailu Vallein, Amocin di Niillas Holmbergin.
Laiti lij šõddâm peäglviʹžžen TV:st kuâsttjem mieʹldd, di täʹsnnroolâst jiiʹjjes dokumeʹnttjieʹllikaartâst. Artistt vaaikat Lääʹddjânnam lââʹssen ålggjânnmi mieʹldd, mâʹte Taarrjânnmest, Ruõccjânnmest, Virost di Franskkjânnmest.
Yungmiqu õlmstâtt vueʹssmannu 23. peeiʹv nuuʹbb albuumâs Chapter. Tõt lij jiiʹjjes jieʹllem da õhttsažkååddlaž teeʹmid ǩiõttʼtõõlli obbvuõtt, koonn teeʹmmen lie tââʹv da saauj kõskkvuõtt, sääʹmidentiteʹtt, sääʹmǩiõll di nuõrr artiist šõddmõš. Album likkâd jiiʹjjes da kollektiivlaž ǩiõččlâsttmõõžž raajâst, kaaggeeʹl õuʹdde uuʹccbõskulttuurâst jieʹllem kõõččmõõžžid da puuʹteeʹl õuʹdde kuärǥ maddjin.
Puk artiist