Ijahis idja -festivaal päärnai da nuõri peeiʹv jeät jäʹrjstuku eeʹjj 2025

Ijahis idja -festivaal päärnai da nuõri peeiʹv jeät jäʹrjstuku eeʹjj 2025 festivaal õhttvuõđâst.  Festivaal jäʹrjsteei lie jouddâm tuejjeed loʹsses tuʹmmstõõǥǥ väʹǯǯlõs teäggtõsvueʹjj diõtt. Päärnai da nuõri peiʹvven kool lie kattum jeeʹrab päärnaikulttuur vieʹǩǩtõõzzin, leša tän eeʹjj festivaalid tõt ij leäkku miõttum. Festivaal pârgg jäʹrjsted päärnai da nuõri peeiʹv eʹpet puäʹđlvest.

Õhtt festivaal jäʹrjsteeʹjin, Sääʹmteeʹǧǧ vueʹlnn toiʹmmjeei Sääʹm-musikk-kõõskõs, jääʹrjast vueiʹttemvuõđi mieʹldd päärnaid da nuõrid sääʹm-musiikk tuâjjpaaʹjid čõhččlookkâmpââʹj äiʹǧǧen sääʹmvuuʹd škooulin.

Muđoi Ijahis idja -musikkfestivaal jäʹrjstet takainalla Aanrest, Sajoozzâst 15.–16.8.2025.