IIjâttes iijâ 2026 muneliipui vyebdim lii álgám!

Ijâttes ijjâ -algâaalmugij muusikfestivaal liipui vyebdim lii álgám onne 25.6.2026. Muneliipuid puáhtá uástiđ čujottâsâst lippu.fi sehe Lippupiste toimâsoojijn.

Rävisulmui oles oholoopâ muneliipu hadde lii 75€ já párnái (7-15i) oholoopâ munelippu lii 25€.
Muuneeld ostum rävisulmui peiviliipu hadde lii 42€ já párnái munepeivilippu 14€.
Muneliipui hoodijn lii mieldi lippu.fi palvâlemmáksu 1,60-4,60€. Haadan lasettuvvoo lippu.fi tiilámmáksu, 1,50€, sehe máhđulâš toimâttâsmáksu toimâttemvyevi mield.

Jis uástá liipuid siisâ puáđidijn, te hadeh láá rävisulmui oles oholoopâ lippu 85€ já párnái 28€ sehe rävisulmui peivilippu 48€ já párnái 18€. Vuálá 7-ihásiih peesih siisâ nuuvtá.

Mij avžuuttep, ete ulmuuh uástih liipuid muuneeld já jis uástih liipuid siisâ puáđidijn, te kevttih koortâ máksuniävvun. Meid kietâruđâiguin puáhtá mäksiđ siisâ puáđidijn.

Ijâttes ijjâ uárnejuvvoo Anarist 14.–15.8.2026. Artisteh láá Mollet, Jon Henrik Fjällgren, Marja Mortensson, EiGa, Ailu Valle x Amoc, Wimme & Rinne, Suõmmkar, Čuovvâd & Loiskis já Luohti & Livđe -konsertist Heli Aikio, Milla Pulska já John Mathis Utsi.

Ohjelmist láá meid kietâtyejimarkkâneh, njuárustemkišto, Talent stage, párnái ja nuorâi pargopáájáh já lasseen puoh Ijâttes ijjâ -festivaalkietâpaddijn piäsá nuuvtá siisâ Säämimuseo Siida čáitálduvváid festivaaloholoopâ (vá-vu) ääigi.

Tuorâstuv 13.8.2026 láá Wilderness Hotel Juutuast nuuvtá Ijâttes ijjâ -ovdâtuáluh (K-18) tme 22:00.

Taan ive poster lii vuávám Ellen-Maarit Juuso.