Ijahis ija 2026 ovdabileahtaid vuovdin lea álgán!

Jagi 2026 Ijahis idja -eamiálbmogiid musihkkafestivála ovdabileahtaid vuovdin lea álgán otne.
Ovdabileahtaid sáhtá oastit čujuhusas lippu.fi sihke Lippupiste doaibmabáikkiin.

Ollesolbmuid vahkkoloahpa ovdabileahta haddi lea 75€ ja mánáid (7-15j) ovdabileahtta lea 25€.
Ovdalgihtii oston ollesolbmuid beaivebileahtta lea 42€ ja mánáid 14€.
Ovdabileahtaid hattit sisttisdollet Lippu.fi bálvalanmávssu 1,60-4,60€. Diŋgonmáksu 1,50€ ja vejolaš doaimmahanmáksu, mii heaŋgá doaimmahanvuogis, lasihuvvojit loahpalaš haddái.

Uvssas ollesolbmuid vahkkoloahpa bileahtta lea 85€ ja mánáid 28€ ja ollesolbmuid beaivebileahtta 48€ ja mánáid 18€. Vuollái 7-jahkásaččaide lea nuvttá sisabeassan.

Ávžžuhit olbmuid oastit bileahta ovdalgihtii ja geavahit koartta, jos ostet uvssas.
Bábirruđain sáhtá maid máksit uvssas.

Ijahis idja lágiduvvo Anáris 15.-16.8.2026. Artisttat leat Mollet, Jon Henrik Fjällgren, Marja Mortensson, EiGa, Ailu Valle x Amoc, Wimme & Rinne, Suõmmkar, Čuovvâd & Loiskis sihke Luohti & Livđe -konseartas Heli Aikio, Milla Pulska ja John Mathis Utsi.

Prográmmii gullo maiddai duodjemárkanat, njoarostangilvu, Talent stage, manáid ja nuoraid bargopájid ja lassin buot Ijahis ija festiválagiehtabáttiin beassá nuvttá sisa Sámemusea čájáhusaide festiválavahkkoloahpa (be-so) áigge.

Duorastaga 13.8.2026 lea Wilderness Hotel Juutuas nuvttá Ijahis idja -ovdafeasta. Ovdafeasta lea K-18.

Jagi 2026 plakáhta lea hábmen dáiddar Ellen-Maarit Juuso.