Ijâttes Ijjâ -festivaalijn uárnejuvvoo ohjelm párnáid já nuoráid
Taan ive Ijâttes Ijjâ-festivaalijn uárnejuvvoo ohjelm párnáid já nuoráid konsert já pargopáájái häämist lávurduv 15.8. Sierâ párnái já nuorâi peivi ovdil festivaal ij uárnejuu.
Lávurdâh-peeivi konsert tme 14:15 válduläävdi alne aalgât Čuovvâd já Loiskis. Čuovvâd-juávkku ađai Anna, Ulpu, Heli, Essi já Jessika, lii uápis Suõmmšuõn ~ Šuoŋâsuonjâreh ~ Šuokŋasuotnjarat- haavâst. Loiskis lii kuhháá toimâm párnáimuusikorkester.
Lávurduv sämmilâš párnáikulttuurkuávdáš Mánnu fáálá párnáid já nuoráid festivaalkuávlust pargopáájáid. Pargopáájáid piäsá uásálistiđ nuuvtá uástimáin festivaal siisâpeessâm. Vuálá 7-ihásiih párnááh peesih festivaaláid nuuvtá.
Ohjelmist láá pargopáájáh:
Tme 16:00-16:45 Sämikielâlâš muskari, Solju-sali. Stivrejeijen tuáimih Heli Huovinen, Ulpu Mattus-Kumpunen, Essi Morottaja já Anna Lumikivi-Lemmetty. Muskarin šiettih ohtsis 24 olmožid. Uáivildum 6-8-ihásáid párnáid já sii huolâtteijeid.
Tme 17:00-19:00 ”Luonddu čiŋat”-páájá, Saijoos aula. Páájást puđâldep luánduamnâsijn heervâid. Stivrejeijen tuáimá tuáijár Eila Laiti.
Tme 17:00-20:00 Kukkápäddi-páájá PantabyRaisa, Saijoos Solju-sali. Stivrejeijen tuáimá Raisa Santala. Uáivildum 10-20-ihásáid párnáid já nuoráid. Páájá lii fáállun 20 ulmui. Munealmottâtmeh 10.8. räi petra.magga@samediggi.fi tâi tekstâviestáin.
Párnáin lii máhđulâšvuotâ uásálistiđ njuárustâllâmkiišton lávurduv.
Lasetiäđuh:
Minna Lehtola
Pyevtitteijee, Ijâttes Ijjâ -festivaal
Vuávájeijee, Sämimuusikkuávdáš
minna.lehtola(at)samediggi.fi
044 902 9295
Petra B. Magga-Vars
Toimâstivrejeijee
Mánnu sämmilâš párnáikulttuurkuávdáš
040 732 5503