Ijahis Idja -festiválas ordnejuvvo prográmma mánáide ja nuoraide
Dán jagi Ijahis Idja-festiválas ordnejuvvo lávvardaga 15.8. prográmma mánáide ja nuoraide. Prográmmas leat konsearta ja bargobájit. Mánáid ja nuoraid iežas beaivi ovdal festivála ii lágiduvvo.
Lávvardaga konseartta álggahit dmu 14:15 váldolávddi alde Čuovvâd ja Loiskis. Čuovvâd-jovkui gullet Anna, Ulpu, Heli, Essi ja Jessika lea oahpis juo Suõmmšuõn ~ Šuoŋâsuonjâreh ~ Šuokŋasuotnjarat- prošeavttas. Loiskis lea guhkes linjjá mánáidmusihkkaorkeasttar.
Lávvardaga sámi mánáidkulturguovddáš Mánnu fállá mánáide ja nuoraide festiválabáikkis bargobájiid. Bargobájiide beassá oassálastit nuvttá nu, ahte oastá festivála sisabeassama. Vuollái 7-jahkásaš mánát besset festiválii nuvttá.
Prográmma bargobájit:
Dmu 16:00-16.45 Sámegielat muskari, Sajosa Solju-sále. Jođiheaddjin doibmet Heli Huovinen, Ulpu Mattus-Kumpunen, Essi Morottaja ja Anna Lumikivi-Lemmetty. Muskarii čáhket oktiibuot 24 oassálasti. Ulbmiljoavku: 6-8-jahkásaš mánát ja sin fuolaheaddjit.
Dmu 17:00-19.00 “Luonddu čiŋat”-bádji, Sajosa boađafeaskkir. Bájis mii ráhkadit luonddumateriálain čiŋaid. Jođiheaddjin doaibmá duojár Eila Laiti.
Dmu 17:00-20:00 Rássegierdu-bádji Panta by Raisa, Sajosa Solju-sále. Jođiheaddjin doaibmá Raisa Santala. Ulbmiljoavku: 10-20-jahkásaš mánát ja nuorat. Bádjái besset 20 oassálasti. Ovddalgihtii almmuheamit 10.8. rádjai petra.magga@samediggi.fi dahje teakstasániin.
Mánáin lea máŧolašvuohta oassálastit njoarostangilvui lávvardaga.
Lassidieđut:
Minna Lehtola
Buvttadeaddji, Ijahis idja -festivála
Plánejeaddji, Sámemusihkkaguovddáš
minna.lehtola(at)samediggi.fi
044 902 9295
Petra B. Magga-Vars
Doaimmajođiheaddji
Mánnu sámi mánáidkulturguovddáš
040 732 5503