Jon Henrik Fjällgren puátá Anarân

Jon Henrik Fjällgren puátá Ijâttes Iijâ täsnin. Suu muusikist ovtâstuveh tááláš muusik já ärbivuáválâš sämmilâš juáigus. Fjällgren poođij stuorrâ aalmugân tobdosin, ko sun vuoitij Ruotâ Talent-kišto ive 2014. Taađeest sun lii uásálistám neljii Melodifestivalen-kiišton ađai Ruotâ euroviisui rätkimkištoid, poođij nubben (2015), kuálmádin (2017) já kuohtii niäljádin (2019 já 2023).

Fjällgren lii almostittâm jieijâs karrieer ääigi maaŋgâid albumijd, já majemui iivij sun lii vuáijum eromâšávt singlealmostitmáid. Suu uđđâsumos single ”Old Paths” almostui ive 2025. Ive 2025 Fjällgrenân mieđettui Áillohaš-muusikpalhâšume. Ovdebáá tove Fjällgren lávdástij Ijâttes Ijjâ -festivaalist porgemáánust 2021.

Ijâttes Ijjâ-festivaal uárnejuvvoo Anarist 14.–15.8.2026.