Ijahis idja -konseartta čuvvo 650 rusttegiin

Ijahis idja -festivála konseartta čuvvo 650 rusttegiin miehtá máilmmi. Konsearta sáddejuvvui njuolggosáttan 15.8.2020 Anáris, sámekulturguovddáš Sajosis. Konsearttas loaiddastedje rap-artista Ailu Valle, Gájanas-musihkkajoavku ja juoigit Iŋgá-Máret Gaup-Juuso ja Juha Tornensis. Artisttaid jurdagiid gulle maid konsearttaid bottuid áigge jearahallamiin.

Ijahis idja Suoma Giehtaruohttasa stuorraduoddariid beales -temáoasis čájehuvvui Ijahis idja -festivála buvttadan filbma, mii almmuhii oainnu ja áiccalmahtii guovllu mearkkašumi dan árbevirolaš ássiide ja ealáhusaide. Lassin gulle fáddái laktáseaddji ságastallama.

Sáddaga láidesteigga Aslak Paltto ja Anna Näkkäläjärvi-Länsman.

Konseartta lágidedje ovttasbarggus Ijahis idja -festivála, Anára Sámi Searvi rs, Suoma Sámedikki sámemusihkkaguovddáš, sámekulturguovddáš Sajos ja Sámi oahpahusguovddáža medialinjá.

Lágideaddjit giitet buot gehččiid.

Lassedieđut:
Buvttadeaddji Oula Guttorm
+358 40 667 4545
oula.guttorm(at)samediggi.fi
www.ijahisidja.fi