Iinnteʹmes inn -konseeʹrt ǩiõʹčče 650 neävvain

Iinnteʹmes inn -festivaal konseeʹrt ǩiõʹčče 650 neävvain pirr maaiʹlm. Konseeʹrt vuõltteeš striiʹmjum 15.8.2020 Aanrest sääʹmkulttuurkõõskõs Sajoozzâst. Konseeʹrtest kuʹlleš räʹpp-artiist Ailu Valle, Gájanas-joouk di juõiggjeeʹjid Iŋgá-Máret Gaup-Juuso da Juha Tornensis. Artiisti jurddjid kuʹlleš še konseeʹrti kõõskâst mainstâttmõõžžin.

Iinnteʹmes inn Lääʹdd Ǩiõttmaddi jõnntuõddri beäʹlest -teeʹmmvueʹzzest čuäʹjteš Iinnteʹmes inn -festivaal puuʹtʼtem bieʹllvaʹlddi videotuejjõõzz, kååʹtt vuâmmšõõʹtti vuuʹd miârktõõzzâst tõn äʹrbbvuõđlaž jälsteeʹjid da jieʹllemvuõʹjjid. Tõn õõl kuʹlleš ääʹšš pirr saǥstõõllmõõžž.

Vuõlttõõzz jååʹđte Aslak Paltto da Anna Näkkäläjärvi-Länsman.

Konseeʹrt jäʹrjste õõutveäkka Anára Sámisearvi rõ, Lääʹdd Sääʹmteeʹǧǧ sääʹm-musikk-kõõskõs, Sääʹmkultturkõõskõs Sajos da Sääʹm škooultemkõõskõõzz medialinjj.

Jäʹrjsteei späʹssbâʹšše pukid ǩiõččjid.

Lââʹssteâđ:
Puuʹtʼteei Oula Guttorm
+358 40 667 4545
oula.guttorm(at)samediggi.fi
www.ijahisidja.fi