Ijahis idja ååcc artiistid Talent stageeja

Ijahis idja ååcc artiistid da bääʹndid feʹsttvaal Talent stageeja. Talent stage kõskksââʹjest liâ ođđ suõmmčieʹpp, koin jiõk možt leäkku veâl kuullâm, leša kâʹl kuulak puõʹttiääiʹjest. Talent stage taʹrjjad nuʹt vuõssvuâra čuäjtõõttjid ǥu čuäjtõõttâmǩiõččlâsttmõõžž vuäʹmsteei sääʹmartiistid areena čuäʹjted jiijjâs musiikk di vuäǯǯad čuäjtõõttâmǩiõččlâsttmõõžž.

Tän eeʹjjest Ijahis idja jääʹrjast äävooccmõõžž Talent stage čuäjtõõttjen. Čuäjtõõttjen vueiʹtte ooʒʒõõttâd juõʹǩǩ âkksa säʹmmla da sääʹmǩiõllsa artiist da bääʹnd jeeʹres genrein. Musikk vuäitt leeʹd äʹrbbvuõđlaž, ääiʹj meâldlaž leʹbe täi sieʹjjtõs.

Talent stage jäʹrjstet sueʹvet 15.8.2026 vueʹssen Ijahis idja -feʹsttvaal prograamm. Artiist čuäʹjte jiijjâs čuäjtõõttmõõžžâs poodd 1–2 käpplõõǥǥ. Artiist jiâ vuäǯǯ čuäjtõõttmõõžžstes pääʹlǩ, leša siʹjjid taʹrjjeet neäʹttel-loopp poodd feʹsttvaalpass di porrmõš čuäjtõõttâmpeiʹvven. Lââʹssen vueiʹtlva mäʹtǩǩ-kuul koʹrvveet õõlmâs jååʹttemneävv âânnmõõžžâst šõddi mååžna kuuli mieʹldd.

Talent stage artiist vaalšet Ijahis idja jäʹrjsteeʹji tååimast nuʹt, što čuäjtõõttiartiist liâ vueiʹtlva määŋgpeällsaž. Ooccâmäiʹǧǧ Talent stage artisttân põõtt seärad 22.7.2026. Tiuddâd ooccmõš Talent stage artisttân tääiǥ.

Artiistin lij lââʹssen vueiʹtlvažvuõtt uʹvdded miâsttmõš ooccmõõžžâs âânnmõʹšše še puõʹtti iiʹjji Talent stage plaaneen. Feʹsttvaal ij õlmstââʹtt juõʹǩǩʼka ooccâm artiist da bääʹnd nõõmid, leša tåʹlǩ tõi nõõmid, ǩeäid vaalšet Talent stage artisttân.

Lââʹssteâđ:
Veäʹǩǩpuuʹtteei Aleksi Ahlakorpi
aleksi.ahlakorpi@samediggi.fi
+358 44 909 8844