Ijahis idja -alggmeer musiikkfestivaal lippkaaupšummuš algg täʹbbe. Ouddliippid vuäitt vuäʹstted addrõõzzâst lippu.fi kääzzkõõzzâst, lippkaaupšem tåimmpaaiʹǩin de Sääʹmkulttuurkõõskõs Sajoksest Aanrest.

Vuõrâsoummi ouddliipp hâʹdd lij 35€ da päärnai (7-15 e) ouddlipphâʹdd 12€. ( Lippu.fi -kääzzkõõzzâst vuästtum liipp hâdda lââʹzzte kääzzkõsmääus.)
Uustõõǥǥâst kaaupšem liippi hââʹdd liâ vuõrâsoummin 40€ da päärnain 15€. Vuâlla 7-ekksa peäʹsse määustää.

Auʹǯǯjep oummid vuäʹstted liippid õuddlest da uustõõǥǥâst vuäʹsttmen ââʹnned koort mähss- neävvan. Uustõõǥǥâst vuäitt mäʹhssed še ǩiõtt- tieʹǧǧin.

Ijahis idja riâšše Aanrest 14.8.2021 da čuäjtõõttjen liâ Jon Henrik Fjällgren, Amoc x Ailu, Ozas, Tundra Electro ja Yungmiqu de juõiggi Niiles-Jouni Aikio, Bigga Aikio ja Laura Tapiola. Lââʹzzen prograʹmme koʹlle ǩiõtt-tuâjjmarkkân, njuärstõõllâmǩeâlbb da pop up -tuâjjpõõrt.

Mušttʼteep oummid ââʹnned huõll ǩiõtthygieniast de tuʹrvvkõõskin. Festivaalpääiʹǩest liâ desinfiâʹsttempääiʹǩ. Puäʹđ pâi tiõrvân noorõõttmõʹšše!