Anarist porgemáánu 14. peeivi ornimnáál Ijâttes ijjâ – algâaalmugij muusiktábáhtus ohjelm lii almostittum.

Ijâttes ijjâ lii taan ive oovtpiäivásâš, mutâ ohjelm lii táválii náálá vijđes já maaŋgâpiälálâš. Festivaaloholoopâ falâldâhân kuleh konsertij lasseen eereeb iärrás valastâllâmkištoh, kietâtyejimarkkâneh sehe párnái já nuorâi jieijâs ohjelm já uđâsvuottân pop up -pargopáájáh.

Festivaalkuávlu liäkkoo lávurduv 14.8. tme 14.00. Siämmást liäkkojeh meiddei Ijâttes iijâ kietâtyejimarkkâneh, main láá vyebdimnáál tyejeh miätá Säämi. Nuorâikonsertist aalmugân fállojeh sämikielâlii muusik korrâsumos uđâsvuođah, ko festivaallyeve oolâ kuárŋuh eereeb iärrás Láhppon já taaiđâtábáhtusâst uápis Kootkmiõhtt! Anára Sámisearvi ornim njuárustemkištoost uásálisteeh peesih keččâliđ suoppânjkieđâidis tärkkivuođâ Saijoos šiljokuávlust.

Jis njuárustem ij lah vala olmânáál haaldust, njuárustem aalgah -pargopáájást uážžu äššitobdee máttááttâs. Meiddei párnáid já nuoráid láá jieijâs pargopáájáh já festivaalkuávlust máálájeh graffitijd pop up -pargopáájást oovtâst Sámi Hustleráin.

Eehid konsertijd festivaalkuávlust liäkká Tundra Electro, mii almostitij jieijâs deebyytskiäru keessiv 2020. Ozas já Yungmiqu lávdásteh meiddei vuossâmuu keerdi Ijâttes iijâ váldulyeve alne. Ärbivuáválii juoigâm piäsá še kuullâđ, ko lyeve oolâ kuárŋuh Niiles-Jouni Aikio, Bigga Aikio já Laura Tapiola. Eehid lopâtteh Sämieennâm stuorrâ tääsnih, Jon Henrik Fjällgren sehe taan ive ohtâsii skiärus almostittee sämikielâlii ráp jietânâsah, Ailu Valle já Amoc oovtâst Trio Boogiemenijn.
Festivaal tieđeet lippuvyebdim aalgâtmist sierâ. Liipuh vuábdojeh muuneeld sehe verejáá lunne.
Ijâttes iijâ uárnejeh ohtsâšpargoost Anára Sámisearvi rs, Sämitigge, Sämikulttuurkuávdáš Sajos, Säämi máttááttâskuávdáš já Aanaar kieldâ.

Lasetiäđuh:

Pyevtitteijee
Oula Guttorm
oula.guttorm@samediggi.fi
+358 40 667 4545

Išepyevtitteijee
Aleksi Ahlakorpi
aleksi.ahlakorpi@samediggi.fi
+358 40 526 3363