Suõmmkar

Suõmmkar lea joavku, mii ovttastahttá boares, nuortalaš árbevirolaš musihka (leuʹdd, katrilla) dálááigásaš máilmmimusihkkii folk- ja pop-váikkuhusaiguin. Joavkkus lávlot ja leuddejit Anna Lumikivi-Lemmetty ja Hanna-Maaria Kiprianoff. Suõmmkaris čuojahit lassin Marko, Pessi ja Uula Jouste ja maid Elias Nieminen.

Suõmmkar álggahii ovdanbuktit jagis 2016. Joavku lea almmustahttán iežas vuosttas debuhttaálbuma “Suõmmkar” borgemánus 2018 Ijahis idja -festiválas Anáris ja dán jagi fas beassat návddašit joavkku skearrualmmuhankonsearttas.

Suõmmkar almmustahttá ođđa Peäccam da Paččjokk- álbuma, man materiála deattuha Beahcáma ja Báhčaveaijoga siiddaid musihkkaárbevieru ja nu njuolga Anna ja Hanna-Maaria ruohttasiid. Skearrus leat sihke dánsalávlagat ja leuʹdd-bihtát čuojaldahttimiin ja dan haga, ja maiddái eanet modeardna lávlagat, maid inspirašuvdnan leat ruohttasat ja árbevierru.