Ijahis idja ouddlippkaaupšummuš lij älggam!

Ijahis idja -alggmeerai musiikkfestivaal lippkaaupšummuš älgg täʹbbe. Ouddliippid vuäitt vuäʹstted addrõõzzâst lippu.fi de Lippvuäʹsttem tåimmpaaiʹǩin.
Neäʹttel-loopp ouddliipp hâdd lij vuârâsoummid 65€ da päärnaid (7–15-ekksaž) 20€. Ouddlest vuästtum vuõrâsoummi peiʹvvlipp lij 35€ da päärnai 9,99€. Ouddliippi hâdda lââʹzzte lippu.fi-kääzzkõsmääus.
Uustõõǥǥâst kaaupšem neäʹttel-lopp liipp hâdd lij vuõrâsoummid 80€ da päärnaid (7-15-ekksaž) 25€ de peiʹvvliipp hâdd lij vuõrâsoummid 45€ da päärnaid (7-15-ekksaž) 15€. Vuâlla 7- ekksa päärna peäʹsse sizz määustää.
Siâzztõõllâp oummid vuäʹstted liipp ouddlest da uustõõǥǥâst vuäʹsttmen ââʹnned koort mäʹhssemneävvan. Uustõõǥǥâst mähssmõš ǩiõtt-tieʹǧǧin lij še vueiʹtlvaž.

Ijahis idja riâžžât Aanrest 18.-19.8.2023 da artiist liâ KEiiNO, Maxida Märak, Solju, Felgen Orkester, Katarina Barruk, Anna Morottaja & Tallari, Gabba di äʹrbbvuõđlaž sääʹm-musiikk čuäʹjtâʹlle Niillas Holmberg, Petra Magga Vars, Hanna-Maaria Kiprianoff da Mathis Ole Vars.

Lââʹssen prograʹmme koʹlle še ǩiõtt-tuâjjmarkkân, njuärstõk-ǩeâšttõõttmõš, Talent stage, Biret da Gáddjá Haarla Pieski taʹnssčuäjtõs Čalmmiid Čađa di Siidast jäʹrjstem däära Šuoŋâšuonjâreh -paneeʹlsaǥstõõllmõš musikkšõddummšest.

Neljdpeeiʹv 17.8.23 Ijahis idja -ouddklubiiʹje lij pååđpiâssâmlipp, koon vuäitt vuäʹstted Wilderness Hoteʹll Juutuast.

Ijahis idja 2023 -plakaatt lij plaanääm Inga-Wiktoria Påve.